موفراتي عارف إنك اما بتشتري الجبنة بتجيبي كمية تكفيكي مدة عشان متفضليش رايحة جاية عالسوبر ماركت.. بس للاسف الجبنة مبتقعدش مدة و بتبوظ منك في التلاجة عشان كده موفراتي هيقولك إزاي تحتفظي ببها اطول مده ممكنة :
1-الجبنة الرومي و الفلامنك (الإدام) و الشيدر :الانواع دي من الاجبان لازم تتحفظ في علبة تلاجة بتتقفل كويس و يفضل تبقي في كيس جوة العلبة عشان متنشفش
2-الجبنة الموتزاريلا او الشيدر الي بتستخدم في الطبخ ممكن نحتفظ فيها في الفريزر و كل ما نحتاجها نطلع منها هتبقي كانها طازة لسة جايباها
3-الجبنة القريش و الجبنة البيضة بانواعها في ناس بتحتفظ بيها في علبة فيها زيت زيتون بس ده تبذير اوفر ملناش دعوة بيه 😅 احنا هنغلي مية و اما تبرد هنحط عليها معلقتين لبن بودرة و ممكن قرن فلفل و في علبة تلاجة.. و ممكن كمان ماية فيها ملح و فلفل بس.. هتفضل معاكي مده طويلة كإنك لسه جايباها و بالهنا و الشفا يا ست الكل 😁
قوللنا إنتي بتعملي ايه عشان الجبنة متبوظش منك؟
إعملي شير عشان اصحابك يوصلهم #نصايح_موفراتي
